अजित कुमार भुजेल , बिरगंज । बिरगंज वडा न.२ छ्पकैया इदगाह चौकमा नेपाली काग्रेंसका वरिष्ट नेता शेखर कोइरालाले स्व गिरिजाप्रसाद कोइरालाको पूर्णकदको शालिक अनावरण गरेका छन् ।
स्व. कोइरालाको १०१ औँ जन्मजयन्तीको अवसरमा मंगलवार शालिक अनावरण गरेको जनाइएको छ । नेपाली कांग्रेस क्षेत्रीय कार्य समिति क्षेत्र नं. २ पर्साको आयोजन एवम् गिरिजा प्रसाद कोइराला फाउण्डेशनको सहयोगमा शालिक अनावरण गरिएको हो ।
मधेश आन्दोलनका क्रममा छपकैयास्थित कोइरालाको शालिकमा तोडफोड भएको थियो । सोही स्थानमा उनको शालिक पुर्नस्थापना गरी आज अनावरण गरिएको हो ।
नेपाली कांग्रेस क्षेत्र नं २ पर्साका सभापति तथा जिपी कोइराला फाउण्डेशनका मधेस प्रदेश अध्यक्ष महम्मद सहावुद्दिनले मधेस आन्दोलनका क्रममा भत्काइएको सालिक भएकै ठाउँमा स्वर्गीय कोइरालाको नयाँ सालिक पुर्नस्थापना गरी अनावरण गरिएको बताए ।
प्रदेश सरकारको १६ लाख रुपैँयाको बजेटमा कोइरालाको शालिक सहित अन्य संरचना तयार पारिएको नेपाली काग्रेंस पर्साले जनाएको छ ।
