अजित कुमार भुजेल , बिरगंज । बिरगंजमा पनि भगवान गौतम बुद्धको जन्म जयन्ती धुमधामका साथ मनाएको छ ।
आज बिरगंजमा शान्तिका अग्रदूतका रुपमा परिचित भगवान गौतम बुद्धको २५६८ औं जन्म ज्यन्तीको अवसरमा शान्ति रैलि निकालिएको थियो ।
भिस्वा बौद्ध समिति र टाँसी थर्वालिङ्ग गुम्बाको आयोजनामा बिरगंजको माईस्थान देखि वडा नम्बर १५ स्थित भिस्वा डाडासम्म रयाली निकालिएको थियो ।
गौतम स्कुल , नवोदीप एकेडेमी, एञ्जल स्कुल लगायत विभिन्न विद्यालयका विद्यार्थीहरूको सहभागितामा निकालिएको रयालीमा नेवार र तामाङ समुदायका भेषभूषा र झाँकी प्रदर्शन समेत गरिएको थियो ।
रयाली माईस्थान चौकमा जम्मा भैइ घण्टाघर, लिंकरोड, बसपार्क परिक्रमा गर्दै भिस्वाडाडा पुगेको थियो । रयालीमा सहभागीहरु त्यहाँ पुगेर पूजापाठ समेत गरेका थिए ।
रयालीमा बौद्ध सेवा समितिका अध्यक्ष तथा मधेस विश्वविद्यालयका उपकुलपति प्राध्यापक डा. दीपक शाक्य, पर्साका प्रहरी उपरीक्षक कुमोध धुङेल , भारतीय महावाणिज्य दूतावासका वाणिज्यदूत शशी कुमार, विभिन्न विद्यालयका शिक्षक, शिक्षिका, संघसस्था , सन्चारकर्मि , सुरक्षाकर्मि , बौद्ध धर्मावलम्बीहरूको उपस्थिति रहेको थियो ।
टाँसी थर्वालिङ्ग गुम्बामा भने लामाहरूद्वारा पूजापाठ गरिएको गुम्बाका अध्यक्ष राम बहादुर लामाले जानकारी दिनुभयो ।
यसअघि भिस्वामा भगवान गौतम बुद्धको दुई मुर्ति स्थापना गरि प्राण प्रतिस्ठा समेत गरिएको बौद्ध सेवा समितिका अध्यक्ष प्रोफेसर डा. दिपक शाक्यले जानकारी गराए ।
