अजित कुमार भुजेल , बिरगंज । चौथो परवानीपुर गोल्डकप माघ २६ गतेदेखि हुने भएको छ ।
परवानीपुर युथ क्लबको आज बसेको बैठकले चौथो संस्करणको परवानीपुर गोल्डकप आगामी माघ २६ गतेदेखि फागुन ३ गतेसम्म आयोजना गर्ने निर्णय गरेको हो ।
क्लबका अध्यक्ष अलि अख्तर आलमको अध्यक्षतामा आज परवानीपुर खेल मैदानमा बसेको बैठकले माघ २६ गतेदेखि गोल्डकप प्रतियोगिताको आयोजना गरिने निर्णय गरेको क्लबका अध्यक्ष आलमले जानकारी दिनुभयो । प्रतियोगिताको लागि आयोजक समिति गठन गरिने पनि जनाईएको छ ।
