अजित कुमार भुजेल , बिरगंज । उपभोक्ता हित संरक्षण मञ्च नेपाल बाँकेद्वारा प्रमुख जिल्ला अधिकारीलाई ध्यानाकर्षण गराएका थिए ।
उपभोक्ता हित संरक्षण मञ्च नेपालका केन्द्रिय सदस्य बसन्त गौतम र प्रदेश उपाध्यक्ष प्रभात कुमार ठकुरीले बाके जिल्लामा अनुचित ब्यापारिक क्रियाकलाप रोकी स्वच्छ बजार कायम राख्न, उपभोक्ताको गुणस्तरिय बस्तु तथा सेवा प्राप्त गर्ने अधिकारको संरक्षणका लागी प्रमुख जिल्ला अधिकारीलाई ध्यानाकर्षण गराएका थिए ।
ध्यानाकर्षण पछी लगत्तै सर्वपक्षिय बैठक बस्यो र बैठकमा अनुचित ब्यापारिक क्रियाकलाप रोक्न नियमति बजार अनुगमन गर्ने, अनुचित ब्यापारिक क्रियाकलाप गर्नेलाई कारवाही गर्ने समेत निर्णय भएको थियो ।
बैठकमा पर्साबाट भएको गुणस्तरहिन ध्यूको बिषयमा केन्द्रिय सदस्य बसन्त गौतम र प्रदेश उपाध्यक्ष प्रभात कुमार ठकुरीबाट तत्काल आवश्यक कदम चाल्न अनुचित ब्यापारिक क्रियाकलाप गर्ने उपर आवश्यक कानूनी कार्वाही गर्न प्रमुख जिल्ला अधिकारी, खाद्य प्रबिधि तथा गुण नियन्त्रण कार्यालय, बाणिज्य कार्यालय लगायतका सरोकारवाला निकायको ध्यानाकर्षण गराईएको थियो ।
मञ्चका तर्फबाट ध्यानाकर्षण पश्चात वास्तविकता बुझि आवश्यक कारवाही गर्ने बाकेका प्रमुख जिल्ला अधिकारीले बताउनु भयो ।
