अजित कुमार भुजेल , बिरगंज । समुदाय-प्रहरी साझेदारी कार्यक्रम अन्तर्गत सामुदायिक सेवा केन्द्र तथा सामुदायिक प्रहरी सेवा केन्द्र श्रीपुर मुर्ली पर्साको आयोजनामा ट्राफिक सम्बन्धि सचेतनामुलक कार्यक्रम सम्पन्न गरेको छ ।
निरन्तर श्रीपुर मुर्ली सामुदायिक सेवा केन्द्रले सवारी दुर्घटना न्यूनीकरण गर्नको लागि बिरगंज महानगरपालिका वडा नं.११ मुर्ली चौकमा पैदल यात्री,साईकल चालकहरु समेतलाई जेबरा क्रसिङ गर्दा दाया बाँया हेरेर मात्र बाटो क्रस गर्ने,ट्राफिक सकेत,ट्राफिक लाईट,हेल्मेटको डोरी लगाउने बिषयमा अंन्दाजी २५० जनालाई सम्झाई बुझाई उक्त कार्यक्रम सम्पन्न गरेको सामुदायिक सेवा केन्द्र मुर्ली श्रीपुर बिरगंज पर्साका सचिव कुल नारायण प्रधान (दिलिप) ले जानकारी दिनुभयो ।
सो कार्यक्रममा सामुदायिक प्रहरी सेवा केन्द्र श्रीपुर मुर्लीका प्रहरी हवल्दार सुभाष प्रसाद यादव, प्रहरी जवान राजु चौरसिया लगायतको उपस्थितमा सो कार्यक्रम अं.१०:३० वजेको समयमा समाप्त भएको थियो ।
