अजित कुमार भुजेल , बिरगंज । बिल बिजक भन्दा बढी हार्डवेयर लोड रहेको मालवाहक ट्रक पर्सा प्रहरीले नियन्त्रणमा लिएको छ ।
पर्सा प्रहरीले गत बिहीबार ११: ३० बजे राती बिल विजक भन्दा बढी हार्डवेयर बोकेको माल बाहक ट्रक वीरगञ्जबाट चितवनतर्फ जाँदै गरेको छ भन्ने सूचनाको आधारमा जिल्ला पर्सा वीरगञ्ज महानगरपालिका वडा नं.१४ गण्डकचोक स्थित सडकखण्डमा ना.६ ख ४२७१नम्बरको ट्रकलाई रोकी जाँच गर्ने क्रममा विल विजक भन्दा बढी हार्डवेयर पार्टस लोड रहेको तथा सो विल बिजक संकास्पद देखिएको हुँदा अ.मु.रू.३५,१५,४०५।- (पैतिस लाख पन्ध्र हजार चार सय पाँच) बराबरको हार्डवेयर पार्टसहरू नियन्त्रणमा लिई थप अनुसन्धान तथा आवश्यक कारवाहीको लागि आज राजश्व अनुसन्धान कार्यालय पथलैया, बारामा बुझाइएको पर्सा प्रहरीले जनाएको छ ।
