अजित कुमार भुजेल , बिरगंज । बिरगंज महानगरपालिकाले शहर सौन्दर्यकरणकै क्रममा महानगरका विभिन्न चौकहरुमा शालिक तथा मुर्ती निर्माण गर्ने कार्यलाई तिव्रता दिदै आईरहेको थियो । केही दिन अघि मात्रै महानगरपालिकाले वडा नम्बर २१ परवानिपुर स्थित हनुमान चौकमा राँगाको मुर्ती राखेको थियो ।
परवानीपुरको चेकप्वाइन्ट निर राखिएको उक्त रागाको मुर्ति शनिवार स्थानीयले भत्काइदिएका छन् ।
हनुमान मन्दिर चोकमा राँगाको मूर्ति राखेर अपमान भएको भन्दै स्थानीयले उक्त राँगाको मुर्ति हटाउन दबाब दिँदै आएका थिए । स्थानीयले यसअघि बिरगंज महानरपालिकाका प्रमुख राजेशमान सिंहको ध्यानाकर्षण गराउँदै मुर्ति हटाउन माग गरेका थिए । ध्यानाकर्षण गराउँदा पनि मुर्ति नहटाएपछि स्थानीयले आफै भत्काएका हुन् ।
मूर्ति भत्काएको आरोपमा ६ जना स्थानीय युवालाई वडा प्रहरी कार्यालय श्रीपुरले नियन्त्रणमा लिएको छ । स्थानीय कृष्ण चौरसिया, पवन श्रीवास्तव, राजन महतो, सौरभ पटेल, राकेश उपाध्याय र सागर साह कानुलाई प्रहरीले नियन्त्रणमा लिएको छ ।
