पर्सा पोस्ट, असोज ११ गते, वीरगञ्ज । शनिबार राति ९ बजे वडा प्रहरी कार्यालयका प्र.स.नी. भुलेन्द्र गिरी र आश्रमका अभिभावक तथा सामाजिक अभियन्ता प्रकाश थारुले अन्दाजी ३० वर्षीया गर्भवती महिलालाई मानवसेवा आश्रम वीरगञ्ज शाखामा ल्याइ दिएका छन्।
मानवसेवा आश्रम वीरगञ्जका संस्थापक अभियन्ता देवेश गुप्ताका अनुसार महिलाले आफ्नाे नाम, घर र ठेगाना स्पष्ट भन्न सकेकी छैनन्। उहाँलाई सोधपुछ गर्दा पनि बारम्बार परिचय खुलाउन नसकेको आश्रमले जनाएको छ।
हाल गर्भवती अवस्थामा रहेकी ती महिलाको उपचार नारायणी अस्पतालमा हेमा थापाको निगरानीमा हुनेछ भने मानसिक स्वास्थ्य उपचार डा. भरत गोइतको जिम्मेवारीमा हुने आश्रमले जानकारी दिएको छ।
