पर्सा पोस्ट, असोज ६ गते, बिरगंज। बाराको अमलेखगंज प्रहरीले ठूलो मात्रामा गाँजा बरामद गरेको छ। जिल्ला प्रहरी कार्यालय बाराअन्तर्गत इलाका प्रहरी कार्यालय अमलेखगंजको चेकजाँच टोलीले सोमबार दिउँसो १:३० बजेतिर २३६ केजी गाँजा सहित मिनि ट्रक र चालकलाई नियन्त्रणमा लिएको हो।
प्रहरीका अनुसार मकवानपुरबाट वीरगञ्जतर्फ आउँदै गरेको बा २ ख ९५६९ नम्बरको मिनि ट्रकलाई अमलेखगंजस्थित चेकपोष्टमा रोकी जाँच गर्दा गाँजा फेला परेको हो।
पक्राउ परेका व्यक्ति मकवानपुर जिल्ला, कैलाश गाउँपालिका–१० का ३८ वर्षीय रमेश रुम्बा रहेको प्रहरीले जनाएको छ। उनलाई मिनि ट्रकसहित नियन्त्रणमा लिएर आवश्यक कारबाहीका लागि इलाका प्रहरी कार्यालय अमलेखगंजमा राखिएको छ।
घटनाबारे थप अनुसन्धान भइरहेको इलाका प्रहरी कार्यालय सिमराका प्रहरी नायब उपरीक्षक वेद प्रकाश जोशीले जानकारी दिएका छन्।
