अजित कुमार भुजेल , बिरगंज ।आज बिहीबार भएको नवौ प्याब्सन नेपाल मेडिसिटि ईन्टर स्कुल T-२० नकाउट क्रिक्रेट प्रतियोगिता-२०८१ को पहिलो खेल गुरुकुल र माउण्ड एडमण्ड बीच भएको खेलमा ११ रनले गुरुकुल बिजयी भएको छ ।
गुरुकुल एकेडेमीले टस जिति पहिलो ब्याटिङ्ग रोज्दै ५ विकेटको क्षतिमा ११९ रन बनाउन सफल भएको थियो भने १२० रनको लक्ष्य सहित मैदानमा उत्रिएका माउण्ड एडमण्डले ९ विकेट गुमाई १०८ रन मात्रमा सिमित भएका थिए ।
आजको खेलको प्लेयर अफ दि म्याच गुरुकुलका साजिद अन्सारी घोषित भएका थिए ।
दोस्रो खेल नेपाल काबेरी र लिटिल एन्जल्स बीच भएको खेलमा लिटिल एन्जल्स ८६ रनले बिजयी भएको छ , सो खेलमा लिटिल एन्जल्सका कृष्णा सह प्लेयर अफ दि म्याच घोषित भएका थिए।
तेस्रो खेल हिमालयन प्यारामिड र बिकोन स्कुल बीच भएको खेलमा बिकोन स्कुल ७ विकेटले बिजयी भएको छ । सो खेलमा प्लेयर अफ दि म्याच बिकोन स्कुलका साहिद मिया घोषित भएका थिए , उनिहरुलाई जनही १००० नगद सहित सम्मानित समेत गरिएको प्याब्सन पर्साका अध्यक्ष सरोज प्रसाद चौधरीले बताए ।
