पर्सा पोस्ट , मंसिर ०३ गते , पर्सा । जिल्ला प्रहरी कार्यालय पर्साले विशेष सूचनाको आधारमा सञ्चालन गरेको छापामार कार्यवाहीदरम्यान सुन तथा चाँदी जस्तो देखिने धातुका गरगहना र ठूलो परिमाणमा नगदसहित चार जनालाई पक्राउ गरेको छ।
प्रहरीका अनुसार 2082/08/01 गते साँझ करिब 7:30 बजे विरगञ्ज–मुर्ली क्षेत्रबाट पक्राउ परेका व्यक्तिहरूबाट विभिन्न गरगहना तथा नगद फेला पारिएको हो। बरामद धातु परीक्षणका लागि सम्बन्धित प्रयोगशालामा पठाइएको जनाइएको छ।
# बरामद सामानहरू:
• सुन जस्तो देखिने धातुका गरगहना : 168 ग्राम (छुट्टाछुट्टै)
• सुन जस्तो देखिने धातुका पोटेसहित गरगहना : 408 ग्राम
• चाँदी जस्तो देखिने धातुका गरगहना : 113 ग्राम
• नेपाली नगद : रु. 3,39,000
• भारतीय नगद : रु. 1,900
प्रहरीका अनुसार भारत हुँदै नेपालमा गैरकानुनी रूपमा ल्याइएको शंका गरिएको यी सामानहरू आवश्यक अनुसन्धानका लागि सुरक्षित राखिएको छ। पक्राउ परेकामाथि लागू नियम अनुसार मुद्दा दर्ता गरी थप विस्तृत अनुसन्धान सुरु भएको प्रहरीले जनाएको छ।
जिल्ला प्रहरी कार्यालय पर्साले सीमा क्षेत्रमा अवैध धातु कारोवार र तस्करी नियन्त्रण गर्न प्रहरी परिचालन थप कडाइका साथ भइरहेको पनि जनाएको छ।
