अजित कुमार भुजेल , बिरगंज। किरण आँखा अस्पतालको आयोजनामा बारा जिल्लाको देवताल गाउँपालिका स्थित रौवाहिमा निशुल्क आँखा शिविर सम्पन्न भएको छ ।
निशुल्क आँखा शिविर देवताल गाउँपालिका वार्ड नम्बर ६ रौवाहीमा भएको हो । उक्त आँखा शिविरमा १४० जनाको आँखा परिक्षण भएको किरण अस्पतालको आरती गुप्ताले जानकारी दिनुभयो ।
सो मध्य ३८ जनामा मोतिया बिन्दु फेला परेको छ ।सबैको शल्यक्रिया किरण आँखा अस्पतालमा हुने गुप्ताले बताउनु भयो। शिविरमा अस्पतालको तर्फबाट प्राविधिक ज्योती कर्ण, रामबाबु चौरसीया लगायतको उपस्थिति रहेको थियो ।
