अजित कुमार भुजेल , बिरगंज । बिरगंज महानगरपालिकाका मेयर राजेशमान सिंहले बिरगंज जनस्वास्थ्य प्रयोगशालाको छड्के अनुगमन गर्नुभएको छ।
निरीक्षणका क्रममा डिजिटल एक्सरे राख्ने योजना प्रस्तुत गरिएको छ। यस अवसरमा बिरगंज महानगरपालिका वडा नं ५ का वडाध्यक्ष प्रदीप चौरसिया, वडा नं ३ का वडाध्यक्ष बैजुलाल स्वर्णकार लगायत स्थानीयवासीहरूको पनि उपस्थिति रहेको थियो।
उक्त छड्के अनुगमन (निरीक्षण) टोलीले प्रयोगशालासँगै रहेको पुरानो अदालत भवनको सरसफाइ र संरक्षणमा विशेष ध्यान दिने प्रतिवद्धता व्यक्त गरेको हो।
बिरगंज जनस्वास्थ्य प्रयोगशाला मधेश प्रदेश सरकार र स्थानीय तहको सहकार्यमा स्थापना गरिएको हो। यस जनस्वास्थ्य प्रयोगशालाले समुदायलाई गुणस्तरीय स्वास्थ्य सेवा प्रदान गर्ने लक्ष्य राखेको छ।
