अजित कुमार भुजेल , बिरगंज । समुदाय – प्रहरी साझेदारी कार्यक्रम अन्तर्गत सामुदायिक सेवा केन्द्र तथा सामुदायिक प्रहरी सेवा केन्द्र कुम्हालटोलद्वारा वडा प्रहरी कार्यालय बिर्तामा आउनु भएको प्रमुख प्रहरी निरीक्षक निरोज चौलागाईलाई स्वागत गर्नुको साथै परिचयात्मक कार्यक्रमको समेत आयोजना गरेको थियो।
सोमबार सामुदायिक प्रहरी सेवा केन्द्र कुम्हालटोलका अध्यक्ष रमेश कुमार चौधरीको अध्यक्षतामा सम्पन्न भएको स्वागत तथा परिचयात्मक कार्यक्रममा बोल्दै प्रहरी निरीक्षक चौलागाईले शान्तिसुरक्षा कायम राख्न सुरक्षा निकाय सदैव स्थानीयवासीको साथमा रहेको बताए ।
उनले यस क्षेत्रका जनताको सहयोग र साथ पाएमा अझ सशक्तरुपमा आफू लाग्ने विचार व्यक्त गरे ।
कार्यक्रममा अतिथिमा सामुदायिक प्रहरी सेवा केन्द्र कुम्हालटोलका संरक्षक तथा बिरगंज महानगरपालिका वडा न. ५ का वडाअध्यक्ष प्रदीप कुमार चौरसिया, कन्चनजङ्ग बोर्डिङ्ग स्कुलका डाइरेक्टर मारर्टिन मोक्तान , मुनलाइट स्कुलका संचालक श्याम के.सी. , वडा न. ५ का वडा सदस्य मनोज कुमार साह , कुम्हालटोल सुधार समितिका अध्यक्ष नन्दलाल राउत अहिर, सहसचिव रितेश गुप्ता, गोबिन्द ताम्राकार, सामुदायिक प्रहरी सेवा कुम्हालटोलका पदाधिकारी तथा आजिवन सदस्य लगायतको उपस्थितिमा रहेको थियो।
सो कार्यक्रम संचालन सामुदायिक प्रहरी सेवा कुम्हालटोलका सचिव श्रवण बहादुर रायमाझीले गरेका थिए ।
