अजित कुमार भुजेल , बिरगंज । बिओपी बरैनिया बाराले कपडा सहित मोटरसाइकल बरामद गरेको छ ।
बोर्डर आउट पोस्ट बरैनिया बाराले फेटा गाउँपालिका वडा नं. १ राजवटिया गाँउबाट बरामद गरेको हो।
भारतबाट अवैध रुपमा भन्सार छली नेपाल तर्फ भारतिय नं. प्लेटको हिरो कम्पनिको मो.सा. BR05N 0568 को प्रयोग गरी ल्याउदै गरेको कपडा बि.ओ. पि.बाट स.प्र.ना.नि. सविन खड्काको कमाण्डमा खटिएको १/३को टोलीलाई देख्नासाथ प्रयोग भएको मोटरसाइकल र कपडा सोहि स्थानमा छाडी व्यक्ति फरार भएको थियो।
पक्राउ पर्नेमा मोटरसाइकलको अन्दाजी मुल्य १,५०,००० /- कुर्ता सरवाल थान- २० (बिस) अन्दाजी मुल्य २०,०००/- साडी थान- ९ (नौ) अन्दाजी मुल्य ९,००० /- लाउजको कपडा अन्दाजी ७०मिटर अन्दाजी मुल्य २१,०००/- जम्मा अन्दाजी मुल्य रु. २,००,००० बरामद गरी बोर्डर आउट पोस्ट बरैनियामा ल्याई राखिएको साथै सो सामानहरु भन्सार कार्यालयमा बुझाउने प्रकृयामा भइरहेको सशस्त्र प्रहरी बीओपी बरैनियाका प्रमुख सशस्त्र प्रहरी निरीक्षक प्रकाश आचार्यले जानकारी दिनुभयो ।
