अजित कुमार भुजेल , बिरगंज । एन्जल वर्ल्ड स्कूलले शैक्षिक सत्र २०८१ का निम्ति छनौट भएका विद्यार्थी लिडर, कप्तान, प्रीफेक्ट आदिका लागि पद स्थापना समारोह सम्पन्न गरेको छ ।
बिरगंज वडा न.८ पानीटंकी स्थित एन्जल वर्ल्ड स्कुलको प्राङ्गणमा शुक्रबार सपथ ग्रहण विद्यालयका सल्लाहकार मार्टिन मुक्तानले गराउनु भएको थियो ।
स्वागत नृत्यबाट सुरु गरि विद्यार्थी काउन्सिलका भाइ बहिनीहरुले निस्वार्थ रुपमा आफ्ना जिम्मेवारी निर्वाह गर्छु भन्दै सपथ ग्रहण गरेका थिए ।
जिल्ला ट्राफिक प्रहरी कार्यालय पर्साका प्रमुख प्रहरी निरीक्षक भास्कर खतिवडाको प्रमुख आतिथ्यमा तथा विद्यालयका चेरम्यान राम राज श्रेष्ठको अध्यक्षतामा भएको सो कार्यक्रमका बिशिस्ट अतिथि वीरगंज युवा समाजका संस्थापक अध्यक्ष कमल चौगाई, सल्लाहकार मार्टिन मोक्तान, अतिथिको रुपमा स्कूलका निर्देशिका पवित्र श्रेष्ठ, प्रधानाध्यापक सकिल अहमद, पत्रकारहरु, शिक्षक, शिक्षिका र विद्यार्थीहरुको उल्लेखनीय सहभागिता रहेको थियो ।
