अजित कुमार भुजेल , बिरगंज । जिल्ला प्रहरी कार्यालय पर्साले चैत्र महिना भित्र ५ करोड ८७ लाख ३६ हजार ७ सय ९९ बराबरको मालबस्तुहरू बुझाइएको सुचना जारी गरेको छ ।
राजस्व अभिबृद्धी तथा भन्सार चोरी पैठारी न्यूनीकरण गर्न जिल्ला प्रहरी कार्यालय पर्सा तथा मातहत समेतका प्रहरी परिचालन भई मिति २०८०।१२।०१ गते देखि ३० गते सम्म निम्नानुसारका मालबस्तुहरू विभिन्न मिति, समय र स्थानहरूबाट पक्राउ गरी राजस्व अनुसन्धान पथलैया बारा र वीरगञ्ज भन्सार कार्यालयमा दाखिला गरिएको व्यहोरा पर्सा प्रहरी प्रवक्ता एवं सुचना अधिकारी प्रहरो नायब उपरीक्षक कुमार बिक्रम थापाद्वारा हस्ताक्षरित बिज्ञप्तिमा जानकारी गराईएको छ ।
लत्ताकपडाहरू रु.१,२३,४६,४९१।- , सवारी साधन तथा पार्टपुर्जा रु.१,१०,८७,७१०।-, विधुतीय सामाग्रीहरू रु.२,१०,७८,६८१।-, किराना तथा खाद्यान्न मालबस्तुहरू रु.१,४२,२३,९१७।- जसको जम्मा मूल्य पाँच करोड सतासी लाख छतीस हजार सात सय उनानसय रहेको छ ।
