अजित कुमार भुजेल , बिरगंज ।सामुदायिक सेवा केन्द्र तथा सामुदायिक प्रहरी सेवा केन्द्र मुर्ली श्रीपुरको आयोजनामा ट्राफिक नियम सम्बन्धि जनचेतनामूलक पर्चा पम्पलेट बितरण कार्यक्रम सम्पन्न गरेको थियो ।
“समुदाय प्रहरी साझेदारी” कार्यक्रम अन्तर्गत जिल्ला पर्सा बी.म.न.पा.बडा नं.११ त्रिमुर्ति चौकमा सामुदायिक सेवा केन्द्रका पदाधिकारीहरु , प्रहरीहरु समेतको टोलिले ७० थान पर्चा पम्पलेट बितरण गर्नुको साथै पैदल यात्रुहरुलाई बाटो हिड्दा जहिले पनि आफ्नो साईडबाट हिड्न , बाटो काटदा जेब्राक्रसको प्रयोग गर्न र सवारी चालकलाई हेल्मेटको अनिवार्य प्रयोग गर्न र हेल्मेटको फित्ता लगाउन भनी सम्झाई उक्त कार्यक्रम सम्पन्न गरेको थियो ।
सामुदायिक सेवा केन्द्र तथा सामुदायिक प्रहरी सेवा मुर्ली श्रीपुरका सचिव कुल नारायण प्रधानको बिशेष उपस्थितमा सामुदायिक प्रहरीका प्रहरी हवल्दार सुभाष प्रसाद यादव , महिला प्रहरी हवल्दार लालुमाया महतो लगायत स्थानियहरुको उपस्थिति रहेको थियो ।
