पर्सा पोस्ट , मंसिर ०१ गते , बिरगंज ।समुदाय–प्रहरी साझेदारी कार्यक्रमअन्तर्गत वीरगंज–२३ प्रसौनी बिर्त स्थित माउन्ट हर्मन माध्यमिक विद्यालयमा सोमबार निःशुल्क आँखा शिविर सम्पन्न भएको छ।
सामुदायिक प्रहरी सेवा केन्द्र तथा सामुदायिक प्रहरी सेवा केन्द्र मुर्ली–श्रीपुर–११ को संयुक्त आयोजनामा, माउन्ट हर्मन माध्यमिक विद्यालय र माट्रिका आइ फाउन्डेसनको समन्वयमा शिविर सम्पन्न भएको हो।
# प्रमुख अतिथिद्वारा अपराध नियन्त्रणमा प्रहरी–समुदाय सहकार्यको आवश्यकता औँल्यन:
शिविरको उद्घाटन गर्दै जिल्ला प्रहरी कार्यालय पर्साका प्रहरी उपरीक्षक (एसपी) सुदिपराज पाठकले कुनै पनि आपराधिक घटना वा व्यक्तिगत समस्या परे ढिला नगरी प्रहरीसमक्ष जानकारी गराउन आग्रह गरे।
“एसपीको नम्बरमा सम्पर्क नहुँदा १०० मा तुरुन्त फोन गर्न सकिन्छ,” उनले भने, “प्रहरी र समुदायबीचको सहकार्य सबैकै सुरक्षाका लागि महत्वपूर्ण छ।”
# विद्यार्थीको भविष्य र शिक्षा–शिस्तबारे सन्देश:
कार्यक्रमका अध्यक्ष सामुदायिक सेवा केन्द्र मुर्ली–श्रीपुरका राम सरार्फ रहे।
विद्यालयका डाइरेक्टर किशोरी प्रसाद साहले विद्यार्थीले लक्ष्यप्राप्तिका लागि अध्ययनमा समर्पित हुनुपर्नेमा जोड दिए।
विद्यालयका प्रिन्सिपल सन्तोष साहले विद्यालय तथा समुदायबीचको सहकार्यले विद्यार्थी र स्थानीयवासी दुवैलाई लाभ मिलेकाले यस्तो कार्यक्रममा निरन्तरता आवश्यक रहेको बताए।
#२०० भन्दा बढीको आँखा परीक्षण, मोटियाबिन्दु पहिचान:
प्रिन्सिपल साहका अनुसार शिविरमा २०० भन्दा बढी विद्यार्थी तथा स्थानीयवासीको आँखा परीक्षण गरिएको थियो।
मोटियाबिन्दुका लक्षण देखिएका व्यक्तिको सहुलियत दरमा उपचार गरिने जनाएको छ।
#सहभागी तथा सहयोगीहरूको उपस्थिति:
शिविरमा सामुदायिक सेवा केन्द्र मुर्लीका सचिव दिलिप प्रधान, प्रहरी निरीक्षक नवीन थापा, शिक्षकहरू राजेश्वर पाण्डे, निर्मल ताम्राकार, मधु सिंह, प्रहरी सहायक हवल्दार सुरेन्द्र कुमार यादव, सोनालाल साह, प्रहरी जवान धनमाया दाहाल, फाउन्डेसनका प्रतिनिधिहरू आरती साह, मनोज पटेल, इन्द्र सिंह धामी, राजकिशोर गुप्ता, जयप्रकाश साह, सन्चारकर्मी जगत राई , राकेश कुमार साह , अर्जुन चौधरी लगायतको सहभागिता रहेको थियो।
कार्यक्रम सञ्चालन कक्षा १० की विद्यार्थी सिर्जना कुशवाहाले गरेकी थिइन्।
