अजित कुमार भुजेल , बिरगंज । बिरगंज महानगर पालिकाका मेयर राजेशमान सिंहले भारतको धार्मिक पर्यटकिय वाराणसि नगर निगमका मेयर अशोक कुमार तिवारी सित भेटवार्ता गर्नु भएको छ ।
शनिबार बिरगंज महानगरपालिकाका मेयर राजेशमान सिंह सहित पुगेका प्रतिनिधिमन्डललाई वाराणसि नगर निगमको कार्यकक्षमा मेयर अशोक कुमार तिवारीले स्वागत गर्दै सम्मान गर्नु भएको थियो ।
मेयर सिंहले वाराणसिका मेयर तिवारीलाई रुद्राक्षको माला ,खादा र टोपी लगाएर सम्मान गर्नु भएको थियो । भेटघाटमा बिरगंजलाई धार्मिक पर्यटकिय शहर बनाउने सम्बन्धमा छलफल भएको थियो ।
त्यसैगरि सिंहले भारतको धार्मिक पर्यटकिय वाराणसि स्थित नेपाली सस्कृत महाबिधालयमा वेद , व्याकरण , शास्त्र र सस्कृत अध्यनरत नेपाली विद्यार्थीहरु सित भेटबार्ता गर्नु भएको छ ।
शनिबार बिरगंज महानगरपालिकाका मेयर राजेश मान सिंह सम्पुर्णानन्द सस्कृत बिश्वबिधालय वाराणसिका विद्यार्थीहरु र प्राचार्य सित भेट गर्न पुग्दा विद्यार्थीहरुले वैदिक मन्त्र उच्चारण गरि स्वागत गरेका थिए ।
भेटको क्रममा महानगरपालिकाका प्रमुख प्रशासकिय अधिकृत मातृका भट्टराई , महानगरपालिकाका सदभावना दुत अशोक बैध , वडा अध्यक्षहरु रमेश यादव , प्रदिप चौरसिया, जगत साह कानु , प्रमुखका सल्लाहकारहरु लगायतको उपस्थिति रहेको थियो ।
