अजित कुमार भुजेल , बिरगंज । बिरगंजमा जारी जिल्ला लिग फुटबल प्रतियोगिताको उपाधी युनिट युवा क्लब श्रीसियाले उचालेको छ ।
पर्सा जिल्ला फुटबल संघको आयोजनामा भएको प्रतियोगितामा भेट्रान्स सिटि क्लब बिरगंजलाई युनिट युवा क्लबले ३-२ गोलअन्तरले पराजित गरेको थियो ।
आदर्शनगर खेल मैदानमा शनिबार भएको फाइनल खेलमा खेलको ८ औं मिनेटमा भेट्रान्स सिटि क्लबका रवि चौधरीले पहिलो गोल गरे । सुरु देखि रोमाञ्चक बनेको खेलमा भेट्रान्स सिटि क्लबका खेलाडीले आफैले आत्मघाती गोल गरेर बराबरीमा पुर्याए । युनिट युवा क्लबका खेलाडी २५ औं मिनेटमा सुनिल गुरुङले आफ्नो टिमको लागि दोस्रो गोल गरेका हुन् ।
दोस्रो गोल गरेको युनिटी युवा क्लबले खेलको २६ औं मिनेटमा दोस्रो गोल खाएको हो । उक्त गोल भेट्रान्स सिटि क्लबका रवि चौधरीले गरे । दुई ( दुई गोलको बराबरीमा पुगेको खेलमा २९ औं मिनेटम युनिटी युवा क्लबका रेमन डंगोलले गरे । आजको खेलमा म्यान अफ दि म्याद युनिटि युवा क्लबका रेमन डंगोलले घोषित भए ।
लिगका विजेता र उपविजेता टिमले शिल्ड ,मेडल र प्रमाणपत्र पाएका थिए । पर्सा जिल्ला फुटबल संघ पर्साका अध्यक्ष रोसन कलवारको अध्यक्षता भएको समापन कार्यक्रमका प्रमुख अतिथि बिरगंज महानगरपालिकाका मेयर राजेशमान सिंह , अखिल नेपाल फुटबल संघ मधेस प्रदेशका महासचिव दिपक साह , नेपाल पत्रकार महासंघ मधेस प्रदेशका महासचिव श्याम बन्जारा,नेपाल खेलकुद पत्रकार मञ्च पर्साका अध्यक्ष तिवारी यादव , भेट्रान सिटि क्लब बिरगंजका अध्यक्ष सबिन बस्नेत , उपाध्यक्ष सागर राणा , बिनोद परियार लगायतकाहरुको सहभागिता रहेको थियो ।
स्वागत मन्तव्य संघका कोषाध्यक्ष पन्कज श्रेष्ठले र कार्यक्रमको सहजीकरण संघका महासचिव बिनोद परियारले गरेका थिए ।
