अजित कुमार भुजेल , बिरगंज । ” जाऔ बालौ दिप त्यहा , जहाँ अझै अँध्यारो छ ” भन्ने मुल मन्त्रको साथ जनजाती कल्याण आश्रम नेपाल बिरगंज पर्साद्वारा सन्चालित आमाको माया छात्राबास बिरगंजको २१ औं बार्षिकोत्सव समारोह कार्यक्रम सम्पन्न भएको छ ।
शनिबार बिरगंजको टाउन हलमा आमाको माया छात्राबास बिरगंजका अध्यक्ष भवरलाल पारिखको अध्यक्षता भएको सो कार्यक्रमका प्रमुख अतिथि मधेस प्रदेशका उपकुलपति प्रोफेसर डा. दिपक शाक्य , बिशिस्ट अतिथि नेपालका हास्य व्यङ्ग , कवि लक्ष्मण गामना, कवि रचनाकार डा. बिकास एसकृति , कवि तथा मोडिभेटर प्रदिप सारङ्गा , शिक्षक साहित्यकार डा. मनोज भारत , अवधि हास्यकलाकार प्रमोद साधक , शिक्षिका , कवि कृष्णा देबि पान्डेयले कबिता , मुक्तक र व्यङ्ग्य मार्फत आश्रममा रहेका बालबालिकाहरुको उज्ज्वल भबिस्यको लागि आआफ्नो ठाउँ , गाउँबाट सहयोग गर्न आग्रह गरेका थिए ।
सो कार्यक्रममा आश्रममा रहेका विद्यार्थीहरुले विभिन्न नृत्य प्रस्तुत गरि उपस्थित दर्शकहरुलाई मनोरञ्जन गराएका थिए ।
आमाको मायाको छात्राबासका राष्ट्रिय महासचिव प्रेम थुलिङ्गले जनजाती कल्याण आश्रमका बारे प्रकाश पार्नु भएको थियो ।
कार्यक्रममा छात्राबासका विद्यार्थीहरुले राष्ट्रियता, भाषा , सस्कुती झल्कने उराउ नृत्य समेत प्रस्तुत गरेका थिए ।
जनजाती कल्याण आश्रमका राष्ट्रिय अध्यक्ष सुरेश रुङ्गटा, मुरलिधर रुङ्गटा , अशोक बैध , सशस्त्र प्रहरी उपरीक्षक राधेश्याम धिमाल , ओमशान्तीका क्षेत्रीय सन्चालिका रबिना दिदी , सामाजिक अभियन्ता प्रकाश थारु , छात्राबासका उपाध्यक्ष जयप्रकाश खेतान, सचिब सुरेश कुमार शर्मा , शिभम केडिया लगायतको सहभागीता रहेको थियो ।
स्वागत मन्तव्य छात्राबासका कोषाध्यक्ष राजकुमार दारुकाले र कार्यक्रम सन्चालन प्रिया मिश्राले गरेका थिए ।
