अजित कुमार भुजेल , बिरगंज । ६० औं राष्ट्रिय बाल दिवसको अवसरमा वक्तृत्वकला प्रतियोगिता कार्यक्रम सम्पन्न भएको छ ।
लिभिङ बिथ ईन्भायोरन्मेन्टको आयोजनामा बिरगंज पब्लिक कलेजको सभाकक्षमा ” ओजन फर लाईफ ” बिषयमा भएको सो प्रतियोगितामा ११ बिधालयका विद्यार्थीहरुले भाग लिएका थिए ।
प्रतियोगितामा ओजनको अवस्था , त्यसको काम , मानव जिवनमा त्यसको महत्व र भुमिका , ओजनको संरक्षणका लागि खेल्नु पर्ने भुमिकाका बिषयमा विद्यार्थीहरुले आआफ्नो भनाई राखेका थिए ।
सो प्रतियोगितामा गौतम माबिका स्पन्दन चौधरी प्रथम , आनन्द चौधरी द्वितिय र माईस्थान माबिकि रुपा गिरि तृतिय भएको थिए ।
प्रतियोगितामा बिजयि भएका विद्यार्थीहरुलाई पुरस्कार तथा मेडल प्रदान प्रमुख अतिथि डा. सुश्मा तिवारीले प्रदान गर्नु भएको थियो ।
सो कार्यक्रममा नेपाल पत्रकार महासंघ केन्द्रिय सदस्य केसि लामिछाने ,जनमत पार्टीका जिल्ला अध्यक्ष ओमप्रकाश सरार्फ , राष्ट्रिय भुमि आयोग पर्साका अध्यक्ष तबरेज आलम तथा लिभिङ बिथ ईन्भायोरेन्मेन्टका केन्द्रिय सचिव देवेश सरार्फले निर्णायकको भुमिका निर्वाह गरेका थिए ।
फिरोज अन्सारीको अध्यक्षतामा भएको सो कार्यक्रममा ईक्वाल हैदर , दिपेश बर्णवालले मन्तव्य राखेका थिए ।
कार्यक्रमको सन्चालन आयुस्मा सरार्फले गरेकि थिईन भने कार्यक्रममा सहभागी सबै प्रतियोगिलाई सम्मान सहित प्रमाणपत्र प्रदान गरिएको थियो ।
प्रतियोगितामा आशुतोष चौधरी , योगिशा श्रेष्ठ , खालिद रेजा अन्सारी , सोनि साह कलवार , मुस्कान बर्णवाल , आकाश साह लगायतले भाग लिएका थिए ।
