अजित कुमार भुजेल , बिरगंज । समुदाय – प्रहरी साझेदारी कार्यक्रम अन्तर्गत सामुदायिक सेवा केन्द्र तथा सामुदायिक प्रहरी सेवा केन्द्र छ्पकैया-२ को आयोजनामा आज बिरगंज महानगर पालिका वडा न.२ छ्पकैया चौकमा जनचेतनामूलक कार्यक्रम सम्पन्न गरेको छ ।
छ्पकैया वडा न.२ श्रीराम हल चौक स्थित मम्की जामे मस्जिद अगाडि धूम्रपान तथा सुर्तीजन्य पदार्थ सेवनबाट हुने हानी नोक्सानी तथा यसको असरको बारेमा पैदल यात्री , सवारीचालक तथा सर्वसाधारण मानिसहरुलाई सम्झाई बुझाई ६० वटा पर्चा पम्पलेट समेत बितरण गरि जनचेतनामूलक कार्यक्रम सम्पन्न गरेको सामुदायिक सेवा केन्द्र छ्पकैया २ का प्रहरी हवल्दार लालबाबु प्रसाद कुशवाहले जानकारी दिनुभयो।
